પતંગોત્સવ શીખવે શીખ

શીર્ષક - "પતંગોત્સવ શીખવે શીખ" 

કાપ્યો, કાપ્યોનો ગુંજ્યો નાદ;

એ બહાને બે વચ્ચે થયો સંવાદ;

એક છે ઉપર અને એક છે નીચે, 

સ્થાન માટે પછી થાય વાદ વિવાદ;

એક મૂકે ઢીલું તો બીજો ખેંચે,

કપાય પણ ન થાય શાંત ફિસાદ;

એવાં મળે છે ગળે એકબીજાથી, 

ને અંગતોને હાથે થાય ગળાં વાઢ;

વારો આજ એકનો કાલ બીજાનો, 

નાદનો પડઘાય છે જરૂર અનુનાદ;

"વ્યોમ" જેવી ઊંચાઈ શું કામની? 

જે મળે સ્વજનોને કરીને બરબાદ;

પતંગોત્સવ શીખવે શીખ "વ્યોમ"

બરબાદ કરનાર ના થાય આબાદ;