પતંગ

પતંગ ચગાવી શકાય એવો પવન રહે

ઠૂમકા મારી પતંગ ચગાવા ની જફા ના રહે

એક શૂન્ય બાંધેલી કિન્યાવાળો પતંગ હોય

ગોળ ગોળ ના ફરે ને આકાશમાં સ્થિર રહે

સાંકળ આંઠ નું રીલ ને સિંકદર ના રંગની દોરી હોય

એક પતંગ પર દસ દસ પતંગ કાપવાનો આનંદ રહે

ફીરકી પકડનાર નું ધ્યાન પતંગ ચઢાવનાર પર રહે

ઢીલ છોડવાની આવે ત્યારે કપાવાનું બહાનું ના રહે 

કિન્યા બાંધેલા પતંગો નો જથ્થો ને પાંચ હજાર દોરી હોય 

સાંજ પડે ઝંડો પકડી ને દોરી પતંગ પકડવાનો વાળો ના રહે 

પતંગ કાપવા માટે પતંગ ચઢાવી ને ઉભા ના રહેવું પડે

ઇચ્છીએ આજુબાજુ ના ધાબા પરથી પણ પતંગો ચઢતા રહે

આશા, ઉપરોક્ત બધી જ પરિસ્થિતિ આપ સૌ માટે રહે 

ને આપની ઉત્તરાયણ આનંદ ઉત્સાહ ઉલ્લાસ ભરી રહે